Pěstowarnje Serbskeho šulskeho towarstwa wudospołnjeja a podpěraja swójbne kubłanje. Towarstwo stara so wo dźěći w žłobikach, pěstowarnjach a šulskich hortach. Wosebity cil pěstowarnjow je, dźěćom hižo w zažnej starobje serbsku rěč posrědkować a tak zažnu dwurěčnosć docpěć. SŠT njeje jenož modelowy projekt Witaj wuwiło, ale realizuje jón tež w swojich sydom pěstowarnjach Hornjeje a Delnjeje Łužicy, kiž je jako swobodny nošer přewzało. Porno měrcej 1989 rozrosće ličba wot spočatnje 12 na dźensa něhdźe 610 dźěći, kiž z pomocu dospołneje imersije serbsku rěč wuknu.
Serbske pěstowarnje W serbsko-katolskej jadrowej kónčinje w Sakskej rěči so serbšćina jako maćeršćina. Ličba rěčnje měšanych serbsko-němskich mandźelstwow přiběra. To wuskutkuje so wězo na rěčnu konstelaciju dźěći w serbskich pěstowarnjach. Tohodla so tež w třoch serbskich pěstowarnjach dospołna imersija nałožuje:
Serbske pěstowarnje
W serbsko-katolskej jadrowej kónčinje w Sakskej rěči so serbšćina jako maćeršćina. Ličba rěčnje měšanych serbsko-němskich mandźelstwow přiběra. To wuskutkuje so wězo na rěčnu konstelaciju dźěći w serbskich pěstowarnjach.
Tohodla so tež w třoch serbskich pěstowarnjach dospołna imersija nałožuje:
Witaj-pěstowarnje
W tutych pěstowarnjach posrědkuje so serbšćina přez dospołnu imersiju. Cyły dźeń nałožuja ju kubłarki ze wšěmi dźěćimi w slědowacych pěstowarnjach:
• Choćebuz-Žylow (Braniborska)
• Choćebuz-srjedźa (Braniborska)
Witaj-pěstowarnje nałožuja dospołnu imersiju:
- wšě dźěći wuknu serbšćinu, wobchadna rěč je serbska
- wšitke kubłarki wobknježa serbsku rěč w maćernorěčnej kwaliće resp. so stajnje w serbšćinje dalekubłuja
- serbske a Witaj-pěstowarnje su w nošerstwje SŠT, cyłkownje něhdźe 600 dźěći w 7 pěstowarnjach
Wjetšina staršich, kotrychž dźěći mjenowane pěstowarnje wopytuja, njerozumi a njerěči serbsce.
Witaj-skupiny
Witaj-skupiny nałožuja parcielnu imersiju:
- Zwjetša jenož w jednej skupinje němskeje pěstowarnje wuknu dźěći serbsce.
- Jenož někotre kubłarki wobknježa serbsku rěč.
- Witaj-skupiny maja wšelakich nošerjow.
- W Sakskej a Braniborskej nastachu po lěće 1999 Witaj-skupiny.
SŠT ma w swojim nošerstwje serbske a Witaj-pěstowarnje, w kotrychž wšitke dźěći serbsce wuknu, ale nima žane němske dnjowe přebywanišća z Witaj-skupinu.
