Serbska pěstowarnja "Chróšćan kołć" Chrósćicy

Pěstowarnja Chrósćicy je zarjadnišćo, kotrež kubłanje w swójbje wudospołnja. Dźěći so w našim zarjadnišću wot 1. žiwjenskeho lěta w žłobiku w dwěmaj skupinomaj hladaja. Tohorunja mamy dwě dnjowej maćeri zwonka rumnosćow pěstowarnje za dohladowanje najmłódšich dźěći. Dale wobsteja tři wobłuki starobnje měšanych dźěći w pěstowarni. A naši najstarši přińdu po šuli ze zakładneje šule do horta.

wjednica: Katrin Wokowa

wotewrjenske časy: wot pó - pj 6.30 - 16.30 hodź.

přijimanje wot prěnjeho žiwjenskeho lěta

 

Aktualne

Postajenja wot 15.02,2021

Płaćenje staršiskeho přinoška januar 2021

Wukazy koronakrizu nastupajo hlej startowa strona.

Tež 2021 swjećachmy ptači kwas

Lube dźěći a lubi starši Chróšćan kołća!

“Kóžde lěto wjesele ptači kwas nam přinjese....”

..... zawěsće je wam tež sroku přinjesł. Jako dźak za pilne picowanje ptačkow w zymje.

Dźensa podam wam někotre impresije z pěstowarnje a žłobika, kak smy ptači kwas přežiwili. W před polu sym z dźěćimi, kaž wy doma, spěwčki nazwučował. Sym z dźěćimi najwšelakoriše ptački paslił. Na dnju ptačeho kwasa su so tři holcy z jabłučiny narodnu drastu zwoblěkali. Tež do pěstowarnje bě sroka na taler něšto połožiła. Po snědani ćehnjechmy spěwajo do starownje, zo bychmy w kapałce někotre spěwy zaspěwali.

Wobydlerjo njeběchu přitomni. Přez jich domjacy kanal su so naše spěwy a rejka do stwow na jich telewizor přenjesli. Kak ta technika jenož funguje!

Lube dźěći, wěm zo je to napinacy čas, ale bórze so zaso widźimy. Myslimy na was!

Tak wutrobny postrow na was wšitkich doma a wostańće strowi!

Waš braška Chróšćan kołća

 

 

 

-
Serbske šulske towarstwo z.t