Witajśo na bok Serbskego šulskego towaristwa z.t.
SŠT jo se w lěśe 1991 pó pśikłaźe Dańskego šulskego towaristwa załožyło.
Nowosći
Městno jednaćela wobsadźene
tu gornserbske a němske wozjewjenje
Nowe pśedsedaŕstwo
Generaciska změna na wjerašku Serbskego šulskego towaristwa
Katharina Jurkowa z Hórkow jo nowa pśedsedaŕka Serbskego šulskego towaristwa. Ju su cłonki sobotu z wjelikeju wětšynu z listom wuzwólili. Wona naslědujo Ludmilu Budarjowu, kótaraž pó 30 lětach ako pśederaŕka wěcej njejo kandiděrowała. Dalej su do pśedsedaŕstwa Serbskego šulskego towaristwa wuzwólili dweju zastupujuceju pśedsedarjowu, stej Beno Hojer (referent w Sakskem ministarstwje za kultus) a Jennifer Dünnbierowa (wucabnica na Dolnoserbskem gymnaziumje w Chóśebuzu).
Dalšne nowe wuzwólone cłonki pśedsedaŕstwa SŠT su z Górneje Łužyce Alena Hiccyna (wucabnica na Serbskem gymnaziju Budyšyn), Diana Wowčerjowa (wucabnica na Serbskej wušej šuli Radwor), Jan Rjeda (wucabnik na Serbskej wušej šuli Ralbicy) ako teke Roman Grzyb (wucabnik na Serbskem gymnaziju Budyšyn). Z Dolneje Łužyce su Kathleen Komolcynu (diplomowa zawodowa góspodaŕka) wuzwólili do nowego pśedsedaŕstwa.
Nowa pśedsedaŕka Katharina Jurkowa ma tśi źiśi a źěła głownoamtski ako regionalna powědaŕka Domowiny za teritorium župy Kamjeńc. Wóna se wjaseli na swóje nowe cesnoamtske nadawki na wjerašku SŠT. “Wócakowanja su wjelike, ale wěm, až mam dobre mustwo pśi boce a wjaselim se na zgromadne źěło a wótkubłarjami/wótkubłaŕkami, wucabnikami/wucabnicami a starjejšymi na dobre našych serbskich a Witaj-źiśi.
SŠT ako kubłańske towaristwo jo mjazy drugim nosaŕ serbskich a Witaj-źiśownjow, partnaŕ za wšykne kubłańske nastupnosći Serbow w Sakskej a Bramborskej a cłonk źěłowych kupkow a politiskich gremiumow we wobyma zwězkowyma krajoma.
W lěśu planujo towaristwo zjawne rozžognowanje doněntejšnego pśedsedaŕstwa. Tomu su pśisłušali Ludmila Budarjowa (pśedsedaŕka), Jadwiga Čižankowa, Nicole Hrjehorjowa, Rene Wjacławk, Margot Hašcyna a Stefan Rjeda.
Chósćicy, 25.01.2021
Naše nowe pśedsedaŕstwo
hlej tu jako pdf: Jennifer Dünnbierowa
Kontakt
vorstand-ssv@sorben.com
info@sorbischer-schulverein.de
tel.: 03591 550216
faks: 03591 550220
Póstajenje dla korona
für Brandenburg
Pšistupće našemu towaristwu
Zastupnistwo Serbow w Sakskej a Bramborskej
SŠT zastupujo zajmy Serbow pśi dwójorěcnem pśedšulskem kubłanju w góletkownjach a źiśownjach ako teke pśi dwójo- a wěcejrěcnem kubłanju, kenž sega pśez zakładne a srjejźne šule a gymnazije až k wukubłanju na uniwersitach.
SŠT jo cłonk Domowiny z.t., kšywowego Zwězka Łužyskich Serbow.
Nowa dolnoserbska web-strona
Dobry źeń lube pśijaśele serbskeje rěcy,
dokulaž njejo se planowana prezentacija corona-pandemije dla pśewjadła, dostanjośo źinsa pokazku z komentarom na prědny źěl internetowego boka www.dyrdakojstwo.de z materialijami za pósrědnjenje dolnoserbskeje rěcy.
To jo premjera raz hynac. Pšosym glědajśo do dodanka.
Wóstańśo strowe!
Pśijaznje strowi
Ludmila Budarjowa
pśedsedaŕka Serbskego šulskego towaristwa z.t.
Fachowa wobradowaŕka
Mila Zachariasowa je wót 01.10.2019 fachowa wobradowaŕka za Witaj-wótkubłaŕki w Braniborskej.
