Aktualnosće – Aktualnosći – Aktuelles
>> 18.04.2024 | Přinošk w Serbskim rozhłosu
Pěstowarnja Němcy wojuje wo dźěći
Link k přinoškej:
https://www.mdr.de/serbski-program/rozhlos/aktualne-prinoski/audio-2617094.html
>> 18.04.2024 | Olympiada serbšćiny – skupinske dźěło:
Tema lětušeje Olympiady serbšćiny běše „Woheń”. W zhromadnym nadawku wšěch třoch skupin su měli šulerjo z pomocu tekstow a materialijow prezentaciju k tutej temje spřihotować. Tu widźiće jednotliwe wudźěłki wšěch skupinow.
>> 12.04.2024 | Přinošk w Serbskich Nowinach:
Dundak na olympiadźe serbšćiny
link k přinoškej Serbskeho rozhłosa
>> 10.04.2024 | Olympiada serbskeje rěče we Wodowych Hendrichecach
56. centralna olympiada serbskeje rěče bu dźensa we Wodowych Hendrichecach zahajena. Hač do pjatka chce tam 63 šulerjow a šulerkow šěstych lětnikow ze šulow w Hornjej a 28 z Delneje Łužicy swoje dokonjanosće w serbskej rěči při spjelnjenju pisomnych a ertnych nadawkow dopokazać. SŠT je nošer tutoho zarjadowanja.
>> 09.04.2024 | Přinošk w Serbskich Nowinach:
>> 08.04.2024 | Na konferency w Finskej
Kubłanska referentka Domowiny Katrin Suchec-Dźisławkowa a jednaćel Serbskeho šulskeho towarstwa Andreas Ošika přebywataj wot 8. do 11.04.2024 w Helsinkach. Tam wobdźělitaj so na zetkanju kubłanskeje skupiny FUEN. Mjez druhim rozestajataj so z kubłanskim systemom šwedskeje mjeńšiny w Finskej.
>> 05.04.2024 | Přinošk w Serbskich Nowinach:
>> 03.04.2024 | Powěsć Serbskeho rozhłosa
Serbski koparski camp SŠT
Njebjelčicy/Ralbicy/Chrósćicy: 32 dźěći wobdźěli so wot dźensnišeje srjedy na prěnim serbskim koparskim campje na třoch městnach - w Njebjelčicach, Ralbicach a Chrósćicach. Serbske šulske towarstwo z.t. (SŠT) koparski camp w kooperaciji z dalšimi akterami organizuje. Młodych sportowcow je trenar Tadej Cyž zhromadnje ze zamołwitymi sportowych towarstwow po jich wukonach w kopańcy nominował. Při tym bě tež wažne, kajke nastajenje maja dźěći k prawidłam fairnosće w sporće.
https://www.mdr.de/serbski-program/rozhlos/aktualne-prinoski/audio-2604074.html
>> 03.04.2024 | Powěsć Serbskeho rozhłosa
Premjera za koparski dorost
Prěni raz wotměje so lětsa spočatk apryla serbski koparski camp. Na nim so 32 dźěći w starobje dźewjeć do dwanaće lět wobdźěli. Młodych sportowcow je trenar Tadej Cyž zhromadnje ze zamołwitymi sportowych towarstwow po jich wukonach w kopańcy nominował. Camp wuhotuje so na třoch městnach: w Njebjelčicach, Ralbicach a w Chrósćicach. Serbske šulske towarstwo koparski camp w kooperaciji z dalšimi akterami organizuje. Koparski camp bě loni mjez mytowanymi namjetami wubědźowanja idejow "Rěč zwjazuje" Załožby za serbski lud.
>> 27.03.2024 | 
Beitrag in der deutschen Ausgabe der Serbske Nowiny:
>> 25.03.2024 | Přinošk w Serbskich Nowinach:
>> 20.03.2024 | Přinošk w Serbskich Nowinach:
>> 19.03.2024 | Posktik w LIPJE:
>> 14.03.2024 | Přinošk w Serbskich Nowinach:
>> 01.03.2024 | Přinošk w Serbskich Nowinach:
>> 20.02.2024 | Přinošk w Serbskich Nowinach:
>> 05.02.2024 | Přinošk w Serbskich Nowinach:
>> 30.01.2024 | Přinošk w Serbskich Nowinach:
>> 29.01.2024 | Přinošk w Serbskich Nowinach:
>> 26.01.2024 | Přinošk w Serbskich Nowinach:
>> 25.01.2024 | Přinošk w Serbskich Nowinach:
>> 23.01.2024 | krótkopowěsć:
>> 17.01.2024 | Kubłanska wuprawa Serbskeho šulskeho towarstwa z.t.:
Wjacednjowska jězba za seniorow wot 12.05. do 16.05.2024
Přeprošujemy wutrobnje na našu wjacednjowsku jězbu po Romantiskej dróze wot Augsburga do Füssen a wokoliny. Nadźijamy so, zo smy za Was zajimawy program přihotowali. Wjace wo tym zhoniće tu. Prosymy zajimcow, so hač do 15.03.2024 pola knjeni Deleńkoweje přizjewić. (tel.-čo. 03591 550 209 abo e-mail: m.delenk@sorbischer-schulverein.de)
>> 17.01.2024 | Ptači kwas 2024 – přehlad terminow
Hdy swjeći so ptači kwas w našich kubłanišćach?
Gdy swěśi se ptaškowa swajźba w našych kubłanišćach?
Lětuši ptači kwas Serbskeje pěstowarnje „Dr. Jurij Młynk“ w Ralbicach wotměje so štwórtk, 25.1.2024 w Šunowskej fabrikskej hospodźe. W 15:30 hodź. započina so program za staršich předšulskich dźěći. Dopołdnja swjeća wšitcy hromadźe wězo tež ptači kwas w pěstowarni w Ralbicach.
Na samsnym dnju ale hižo w 15:00 hodź. započina so ptačokwasny program předšulskich dźěći pěstowarnje „Chróšćan kołć“ zhromadnje z 3. lětnikom Chróšćanskeje zakładneje šule „Jurij Chěžka“ we wjacezaměrowej hali „Jednota“.
Hižo rano w 10:00 hodź. předstaji so ptačokwasny program Serbskeje pěstowarnje „Dźěćacy raj“ w „Starej šuli“ we Wotrowje.
Witaj-pěstowarnja w Malešecach swjeći swój ptači kwas njedźelu, 28.01.2024 wot 15:30 hodź. z programom w hosćenu „Wódny muž“ w Malešecach. Hižo w 15:00 hodź. ćahnu dźěći w swjedźenskim ćahu z pěstowarnje „K wódnemu mužej“ w Malešecach přez wjes do tamnišeho hosćenca.
Witaj-pěstowarnja „Pumpot“ w Němcach swjeći tež njedźelu, 28.01.2024 swój lětuši ptači kwas a to w 15 hodź. w „La Galeria“ w Němcach (pódla blidarnje Graf).
Južo 24.01. wót zeger 9:00 swěśi kupka dwě Witaj-źiśowni „Mato Rizo“ w Žylowje swóju ptaškowu swajźbu. Źeń pó tom, dnja 25.01., teke wót zeger 9:00 swěśi kupka tśi z woglědom pśedšulskeju starjejšych ako pśiglědowarjow swóju ptaškowu swajźbu.
Witaj-źiśownja „Villa Kunterbunt“ w Chóśebuzu co prědny raz, ako wjeliki projekt ptaškowu swajźbu raz hynac a wětšy swěśiś. Dajo pšawe źiwadłowe graśe. Buźo program ze spiwami, rejemi a wjele serbskeju rěcu. Teke starjejše budu na to pśepšosone a hyšći druge gósći wótcakuju. Graśe se w kafejowni Dolnoserbskego gymnazija 14.02.24 zeger 15:45 pśedstajijo.
>> 09.01.2024 | Powěsć Serbskeho rozhłosa
Wo kubłanju wuradźowali
Předsydstwo Serbskeho šulskeho towarstwa je so póndźelu wječor w Chrósćicach z nawodami serbskich šulow na rozmołwne koło zetkało. Při tym wuradźowachu wo móžnych přichodnych wobsahach předpisma sakskeho ministerstwa za kultus wo serbskich šulach. Dlěje hač lěto dźěła předsydstwo SŠT na tutych postajenjach a prócuje so zhromadnje z Domowinu wo nowelěrowanje. Rozmołwne koło serbskich šulskich nawodow a Serbskeho šulskeho towarstwa chcedźa přichodnje wospjetować.
>> 08.01.2024 | Wupisanje dźěłowych městnow:
Aktualne wupisanja w SŠT
Horiće so za serbske kubłanje a spomóžne wuwiće našich dźěći? Tak pytamy Was ručež móžno jako kubłarja/kubłarku (m/ž/d) w kubłanišću "Chróšćan kołć" w Chrósćicach.
Dale pytamy w Serbskim kubłanskim srjedźisću LIPA w Smjerdźacej socialneho pedagogu (m/ž/d). Dalše informacije k wupisanjam namakaće tu na našej webstronje pod wupisanja.
>> 28.12.2023 | Beitrag in der deutschen Ausgabe der Serbske Nowiny:
>> 22.12.2023 | Přinošk w Serbskich Nowinach:
>> 18.12.2023 | Přinošk w Serbskich Nowinach wo hłownej zhromadźiznje SŠT:
hlej tež: přinošk w MDR Serbskim rozhłosu (16.12.2023)
>> 15.12.2023 | Smjerdźaca
Hłowna zhromadźizna SŠT
Katharina Jurkowa bu dźensa jako předsydka Serbskeho šulskeho towarstwa wobkrućena. Tež dotalne předsydstwo je so w Smjerdźacej na hłownej wólbnej zhromadźiznje po powobšěrnej rozprawje wo dźěławosći minjenych třoch lět wobkrućene. Dale je so lisćina žadanjow na politiku schwaliła. Tak chce so SŠT mjez druhim wosebity status za serbske šule docpěć a digitalne wučbne srědki wutwarić. Tež nawodnej poziciji na Chróšćanskej a Pančičansko-Kukowskej zakładnej šuli matej so nuznje wobsadźić.
>> 12.12.2023 | Krótkopowěšć w SN: Serbska etaža w Drježdźanach?
W najstaršim Drježdźanskim studentskim klubje „Gutzkowclub“ su so serbscy studenća wčera na adwentničce z předsydu Domowiny Dawidom Statnikom, kubłanskej referentku třěšneho zwjazka Katrin Suchec-Dźisławkowej a jednaćelom Serbskeho šulskeho towarstwa Andreasom Ošiku zetkali. Mjez druhim su wo móžnym znowawutworjenju serbskeje etaže studowacych rěčeli.
>> 04.12.2023 | Krótkopowěšć:SŠT wo změnach informuje
Na hłownej wólbnej zhromadźiznje 15. decembra chce předsydstwo Serbskeho šulskeho towarstwa (SŠT) swojich čłonow wo tuchwilnym stawje změnow Sakskeho ministerstwa za kultus hladajo na serbske šule informować. Zhromadnje z Domowinu prócuje so SŠT mjeztym hižo dlěje hač lěto wo aktualizowanje płaćiwych postajenjow. Planowane je mjez druhim koło serbskich šulskich nawodow.
>> 30.11.2023 | Přinošk w Serbskich Nowinach:
>> 06.11.2023 | Z posedźenja předsydstwa Serbskeho šulskeho towarstwa:
Wólbnu zhromadźiznu přihotowali
Na swojim wčerawšim posedźenju je předsydstwo Serbskeho šulskeho towarstwa z. t. swoju hłownu a wólbnu zhromadźiznu přihotowało.
Wona wotměwa so pjatk, 15.12.2023, w Smjerdźacej. Na njej chce předsydstwo SŠT swoju dźěławosć poslednich 3 lět bilancować.
Wšitcy 7 woleni čłonojo su zwólniwi zaso kandidować.
Serbske šulske towarstwo namołwja zdobom dalšich zwólniwych za předsydstwo kandidować.
Dale přeprošuje towarstwo wšitkich w kubłanskich prašenjach zajimowanych z Delnjeje a Hornjeje Łužicy so z aktiwnym čłonom towarstwa stać.
>> 03.11.2023 | Přinošk w SN:
>> 04.10.2023 | Wupisanje dźěłowych městnow:
Pytamy kubłarki / kubłarjow
Horiće so za serbskorěčne kubłanje a spomóžne wuwiće našich dźěći? Tak pytamy Was ručež móžno jako kubłarja/kubłarku (m/ž/d).
>> 02.10.2023 | Přinošk w Serbskich Nowinach:
25. jubilej zahajenja modeloweho projekta Witaj
>> 30.09.2023 | Powěsć Serbskeho rozhłosa
Čaporowe wiki w Smjerdźacej
Serbske šulske towarstwo přewjedźeše w Serbskim kubłanskim srjedźišću LIPA w Smjerdźacej sobotu prěni raz dźěćace čaporowe wiki. Na předań běchu hrajki, dźěćace drasty a wšitko to, štož je za přenje wuhotowanje dźěsća trěbne. Tež Serbski rozhłós běše pódla. Cyły přinošk móžeće sej tu naposkać: Serbski rozhłós na čaporowych wikach
>> 29.09.2023 | Powěsć Serbskeho rozhłosa
Kubłanje: Fachowa konferenca "Dyrbimy rěčeć!"
Něhdźe 70 kubłarjow, wučerjow a dalšich ekspertow je so štwórtk k druhej fachowej konferency "Dyrbimy rěčeć!" w Budyskim Serbskim muzeju zetkało. Wuwića kaž digitalizacija, pobrachowaca struktura dnja abo tež přewšo starosćiwi starši, su faktory, kiž pedagogam žiwjenje zdźěla poćežuja. To rjekny hłowna referentka Angelika Heimannowa ze Šěrachowa w swojim přednošku. Z hosćom běštej tež fachowej poradźowarce danskeje mjeńšiny w Němskej. Konferencu zarjadowała bě Domowina zhromadnje ze Serbskim šulskim towarstwom.
>> Přinošk w Serbskich Nowinach:
>> 28.09.2023 | Přinošk w Serbskich Nowinach:
Před 25 lětami ideju Witaj-projekta zrodźili
>> 27.09.2023 | Sportej zdar 2023
>> Přinošk w Serbskich Nowinach:
Krabatowy swjedźeń we Wojerecach
Přeprošujemy wšitkich cyle wutrobnje na Krabatowy swjedźeń do Wojerec. Pjatk, 29.09.23 wot 14:30 hodź. naše dźěći w serbskej drasće program wobohaćeja. Wjeselimy so na waš wopyt.
Wir laden alle recht herzlich ein zum Krabatfest nach Hoyerswerda. Am Freitag, den 29.09.23 ab 14:30 Uhr bereichern unsere Kinder in sorbischer Tracht das Programm. Wir freuen uns auf ihren Besuch.
>> 27.09.2023 | Přinošk w Serbskich Nowinach:
Dnjowa wuprawa SŠT
>> 22.09.2023 | Wutrobne přeprošenje – Jan Bart piše w SN:
>> 21.09.2023 | Wutrobne přeprošenje – herzliche Einladung
Swěśimy kjarmušu – swjećimy kermušu – wir feiern Kirmes 2023
>> 11.09.2023 | Dalše zarjadowanje w LIPJE
Dźěćace čaporowe wiki
>> 04.09.2023 | Wutrobne přeprošenje – herzliche Einladung
Swěśimy kjarmušu – swjećimy kermušu – wir feiern Kirmes 2023
Pjatk, 29.09.2023 swjećimy 25-lětne wobstaće našeho modeloweho projekta Witaj w pěstowarni „Mato Rizo“ na Žylowskej Lěsnej dróze 1 w Choćebuzu.
Přeprošujemy wutrobnje, zhromadnje z nami, z dźěćimi a staršimi tuteje a prjedawšich pěstowarskich generacijow, z přewodnikami pućow, sobudźěłaćerjemi a podpěraćelemi imersiwneho kubłanskeho koncepta swjećić.
15:00 hodź.
Dźěćacy swjedźeń zahaji so z pisanymi poskitkami, stejnišćemi, tombollu a hrami.
16:30 hodź.
Swjedźenski akt składnostnje 25-lětneho přesadźenja. Witaj-koncepcija z postrownymi słowami a zbožopřećemi kaž tež program dźěći.
17:30 hodź. hač do 22:00 hodź.
swjećimy kermušu - liveband Naund hraje a přeprošuje na spěwanje a rejwanje
Za hosći z Hornjeje Łužicy steji w Chrósćicach - busowe zastanišćo wosrjedź wsy - bus k dispoziciji. (wotjězd 15:00 hodź., wróćo budźe bus wokoło 23:00 hodź.)
Wjeselimy na zhromadny čas. Prosymy wo krótke přizjewjenje pod info@sorbischer-schulverein.de abo telefonisce pod 03591 550216.
Am Freitag, dem 29.09.2023 feiern wir das 25-jährige Bestehen unseres Witaj Modellprojektes in der Kindertagesstätte „Mato Rizo“ auf der Sielower Waldstraße 1 in 03055 Cottbus.
Wir laden herzlich ein, gemeinsam mit uns, mit Kindern und Eltern dieser und vorheriger Kita-Generationen, mit Wegbegleitern, Mitarbeitern und Unterstützern des immersiven Bildungskonzeptes zu feiern.
15:00 Uhr
Das Kinderfest beginnt mit bunten Angeboten, Ständen, Tombolla und Spielen
16:30 Uhr
Der Festakt anlässlich der 25-jährigen Umsetzung der Witaj-Konzeption mit Grußworten und Glückwünschen sowie Programm der Kinder
17:30 Uhr bis 22:00 Uhr
wir feiern kjarmuša - die Liveband Naund spielt und lädt zum Singen und Tanzen ein
Für Gäste aus der Oberlausitz steht in Crostwitz - Bushaltestelle Ortsmitte - ein Bus zur Verfügung. (Abfahrt 15:00 Uhr; Ankunft Rückfahrt ca. 23:00 Uhr)
Wir freuen auf die gemeinsame Zeit. Wir bitte um kurze Anmeldung unter info@sorbischer-schulverein.de oder telefonisch unter 03591 550216.
>> 18.08.2023 | Prózdninske lěhwo w LIPJE
>> 17.08.2023 | Wo nowotwarje Ralbičanskeje pěstowarnje – Połoženje zakładneho kamjenja
Wjace wo tym zhoniće tu.
>> 14.08.2023 | Přeprošenje na Božu mšu
>> 03.08.2023 | Přinošk w Serbskich Nowinach – dalekubłanske zarjadowanje:
Přinošk jako PDF
>> 31.07.2023 | Přinošk w Serbskich Nowinach – zakładny kurs robotiki:
Přinošk jako PDF
>> 25.07.2023 | Přinošk w Serbskich Nowinach:
>> 25.07.2023 | Dalše zarjadowanje w LIPJE
Zahrodka talentow
>> 24.07.2023 | Hort w Malešecach z wosebitym prózdninskim poskitkom
Podcast bórze na stronje gmejny
Wopyt muzeja, šiće měškow za pjelnjenje z lěwanćikom kaž tež wopyt dźiwadła – wšo to běchu temy minjeny tydźeń nahrawaneho podcasta rěčneho motiwatora Luciana Kaulfürsta w Přiwćicach. W ramiku prózdninskeho poskitka dojědźe sej dźesać holcow 1. do 4. lětnika Malešanskeho horta pod nawodom kubłarki Heleny Kralec z kolesom k radijowej staciji, kotruž je Lucian Kaulfürst loni zarjadował. Wjace wo tym zhoniće tu.
>> 21.07.2023 | Wo nowotwarje Ralbičanskeje pěstowarnje
Nadźijeja so přidatneho spěchowanja
Nowotwar Ralbičanskeje pěstowarnje dale pokročuje. Na swojim posedźenju je gmejnska rada Ralbicy-Róžant dalši twarski nadawk přepodała. Wjace wo tutym posedźenju gmejnskeje rady zhoniće tu.
>> 19.07.2023 | Rěčny fitnesowy kurs
Dalekubłanje w serbšćinje z Boženu Braumanowej
Dobra nalada knježeše wčera a dźensa na starym dwórnišću w Radworju. Přistajeni zarjada Serbskeho šulskeho towarstwa a dalši zajimcy wobdźělichu so na rěčnym fitnesowym kursu. Je to dalekubłanski poskitk Boženy Braumanoweje za serbšćinu, orientowany na potrjebach w našim towarstwje. Dźakujemy so wutrobnje na tutym městnje Dwórnišću inkluzije w Radworju, zo smy rumnosće wužiwać směli a wězo Boženi Braumanowej za tutón wosebity rěčny poskitk.
>> 11.07.2023 | Powěsć Serbskeho rozhłosa:
Fachowa konferenca "Dyrbimy rěčeć!"
Termin za dalšu fachowu konferencu pod hesłom "Dyrbimy rěčeć!", kiž zarjadujetej Domowina a Serbske šulske towarstwo, je jasny. W srjedźišću konferency kónc septembra steji přechod z pěstowarnje do šule. Zaběrać chcedźa so tam mjez druhim z prašenjom, kak radźi so čiła kooperacija mjez pěstowarnju a šulu. Z hosćom budźetej tež fachowej poradźowarce danskeje mjeńšiny w Němskej.
>> 11.07.2023 | Powěsć Serbskeho rozhłosa:
Rěčne prózdninske lěhwo
Z Radworja a Chrósćic je póndźelu cyłkownje 25 młodostnych do rĕčneho prózdninskeho lĕhwa Serbskeho šulskeho towarstwa w čěskich Jetřichovicach wotjěło. Lĕhwo nawjeduje Michaela Młynkec. Zhromadnje z třomi kubłarjemi chcedźa so tam na pućowanja do Čěskeje Šwicy podać a so wočerstwić.
Krótkopowěsć w Serbskich Nowinach
>> 05.07.2023 | Přinošk w Serbskich Nowinach:
>> 05.07.2023 | Přinošk w Serbskich Nowinach:
>> 04.07.2023 | Přinošk w Serbskich Nowinach:
Přinošk jako PDF
Dodawk w Serbskim rozhłósu z dnja 06.07.2023:
Projektne dny: Wšitko digitalne?
Třidnjowski projekt “Medije a žiwjenje – wšitko digitalne?” je Serbska wyša šula “Michał Hórnik” Worklecy srjedu wuspěšnje zakónčiła. Šulska wjednica Diana Šołćina je so za medijowy marathon rozsudźiła. Šulerjo pjateho do dźewjateho lětnika móžachu so w programěrowanju, laserowej grawurje a nowinarstwje wuspytać. Nimo toho zmóžni mobilny planetarij w sportowej hali dohlad do swětnišća. Ideja bě, šulerjam nowe powołanske směry předstajić. Medijopedagogiski projekt Serbskeho šulskeho towarstwa “LUCIJA” bě ideju sobu wuwił a podpěrał.
>> 28.06.2023 | Beitrag in der deutschen Ausgabe der Serbske Nowiny:
>> 27.06.2023 | Wo LIPJE w SN:
>> 26.06.2023 | Wo LIPJE w Serbskich Nowinach:
>> 26.06.2023 | Wo hłownej zhromadźiznje w SN:
>> 26.06.2023 | Powěsć Serbskeho rozhłosa:
Hłowna zhromadźizna Serbskeho šulskeho towarstwa
Smjerdźaca: Medijopedagogiski projekt LUCIJA Serbskeho šulskeho towarstwa ma přeńć do noweje prawniskeje formy. Ma to być přichodnje powšitkownowužitna towaršnosć z wobmjezowanym rukowanjom - gGmbH. Šulske towarstwo je na swojej hłownej zhromadźiznje pjatk naćisk wustawkow za to wobzamknyło, kotrež dyrbi financny zarjad hišće pruwować. Nimo toho je towarstwo swójske wustawki aktualizowało, tak zo stej w nich nětko tež projekt LUCIJA a kubłanske srjedźišćo LIPA w Smjerdźacej zapisanej, z čimž so jeju dźěławosć zaruča. Serbske šulske towarstwo je z wjac hač 100 přistajenymi aktualnje ta serbska institucija z najwjace dźěłopřijimowarjemi.
>> 26.06.2023 | Přinošk w Serbskim rozhłosu:
Kikanukl – dalše epizody online
Zawěšće sće w hižo zhonili, zo rěči woblubowany módry nukl z dźěćaceho sćelaka KIKA mjeztym tež serbsce. A wot kónc tydźenja su dalše epizody online přistupne. Wšitke 26 trikowych krótkofilmow serbskeho kikanukla namakaće přez link na našej internetowej stronje. Synchronizowało je tute trikowe filmy zwukowe studijo "Lucija" z Budyšina – technisce Michał Cyž a rěčnje Božena Braumannowa. Hłós KiKANUKLEJ je dała Hanka Rjelcyna z Radworja, Křesćana rěči Tobias Sachsa z Worklec a Hanku Jadwiga Brězanec z Drježdźan. Přełožk je z pjera Lubiny Hajduk-Veljkovićoweje z Lipska.
Sorbisch für Kinder mit Kikaninchen | Serbske filmy za dźěći z Kikaninchen | KiKANiNCHEN
>> 23.06.2023 | Pokiw w Serbskich Nowinach:
>> 23.06.2023 | Wo nowotwarje Ralbičanskeje pěstowarnje
Liča z 1,2 milionomaj wjace
Wšitke předležace poskitki firmow za nowu Ralbičansku pěstowarnju kalkulowane wysokosće přesahuja, z čimž hroža gmejnje Ralbicy-Róžant negatiwne financielne wuskutki. Wjace wo posedźenju gmejnskeje rady zhoniće tu.
>> 19.06.2023 | Wo sportowych kursach w LIPJE:
Wopyt na sportowym kursu
Zo poskići Serbske šulske towarstwo w Serbskim kubłanskim srjedźišću LIPA sportowe kursy za wšě starobne klasy je mjez tym hižo znate. Su to na přikład sportowy kurs specielnje za muži, bodyfit za žony, fit přez staršiski čas, yoga, rejowanje za dźěći pod profesionalnym nawodom ale tež za seniorow poskići so sportowy kurs. Jakub Wowčer a Matej Wjeńka, redaktoraj MDR, staj byłoj w LIPJE na wopyće a staj so na sportowym kursu za muži wobdźěliłoj: přinošk we Wuhladku | přinošk w MDR Serbskim rozhłosu
Přehlad wo wšitkich poskitkach namakaće tu: www.lipa-ev.de
>> 01.06.2023 | Přinošk w Serbskich Nowinach:
>> 25.05.2023 | Wo nowotwarje Ralbičanskeje pěstowarnje
Tež meble dyrbja planować
Dalši krok k zwoprawdźenju nowotwara Ralbičanskeje pěstowarnje su radźićeljo z přepodaćom dalšich nadawkow twarskim firmam činili. Wjace wo tym zhoniće tu.
>> 25.05.2023 | Wo wulěće seniorow SŠT do Smolinow :
Zwiski do Łužicy w Smolinach nazhonili
Wšojedne kotreje staroby sy, noweje wědy so nasrěbać pohonja duch a wožiwja strowotu
Wučerjo a wučerki, kubłarjo a kubłarki kaž tež sobudźěłaćerjo Serbskeho šulskeho towarstwa, kotřiž su mjeztym na wuměnku, su so spočatk meje na hromadnu kubłansku jězbu podali. Lětsa su města w Smolinach wopytali, mjez kotrymiž běchu Blankenburg, Goslar, Wernigerode, Halberstadt a Quedlinburg. Nimo powabliweje krajiny su sej twarske pomniki a wosebitosće architektury wobhladali a so tróšku ze stawiznami tamnišeje kónčiny zeznajomili.
Spěw jich stajnje přewodźa
Prěnja stacija po puću do Blankenburga bě Michaelstein. W něhdyšim klóštrje Cisterciensow je Hudźbna akademija Saksko-Anhaltskeje zaměstnjena. Ćežišćo wukubłanja leži w hudźbnym kubłanju a praktiskim předstajenju. Z 1980tych lět zběraja tam hudźbne instrumenty. Tuchwilu na wšě tysac wšelakich eksponatow ze spočatka 18. lětstotka wustaja. To přiwabi lěto wob lěto syłu turistow. Ekspozicija kaž tež hraća kmanym přistupny klawěr je nas pohnuwał, tam zhromadnje spěw zanjesć. Tak klinčachu serbske słowa po něhdy wot Słowjanow wobydlenej kónčinje. Po puću wšak smy stajnje a husto přiležnosć wužili, sej serbski spěw zaspěwać. Tak su wšitcy sobujěducy w dobrej zhromadnosći k poradźenju kubłanskeje jězby přinošowali. W južnym dźělu klóšterskeho twarjenja je w lěće 1990, po historiskich planach klóštra, na rostlinach bohata zelowa zahroda nastała. Tam bě składnosć so posydnyć a so wot wónje zelow wobkuzłać dać, prjedy hač so nawječor do hotela w Blankenburgu podachmy.
Sej dobru kapku popřeli
Přichodna stacija rěkaše Wöltingerode. Znate je městačko a z tym tež tamniši klóšter wosebje swojeje klóšterskeje palernje, kotraž bu w lěće 1682 załožena, a tam palenych nadobnych spirituozow dla. Po wjedźenju po palerni palenca mějachmy składnosć słódnu kapku, woprawdźe jenož kapku, woptać.
Připołdnju dojědźechmy sej do města Goslar z titulom swětoweho kulturneho herbstwa UNO. Naša přewodnica Gabi rozłožowaše nam wosebitosće njeličomnych tykowanych domow kaž tež mnohich dalšich swojoraznych twarjenjow. Słónco najrjeńšo swěćeše, hdyž mějachmy před wočomaj Praski Staroměstský orloj, jako wuhladachmy w Goslaru na domskim komornika časnik ze wšelakimi figurami. Runje tak kaž w Praze zasłyšachmy zwonjenje zwónčkow – nic pak po samsnej melodiji.
Kołojězba po zapadnych „Smolinach“ nimo turistiskeho centruma Torfhaus z wuhladom na Brocken bě rjane zakónčenje dnja před nawrótom do hotela. Napadnyli su nam krasnje kćějace rěpikowe pola. Zdobom pak smy wuhladali wulke płoniny lěsa, kiž je wobškodźeny a z wulkeho dźěla škódnikow dla zničeny.
Wuměłstwo w muzeju a měsće
Dalši cil našeho zajězda běše přewšo pisane město w Smolinach – Wernigerode. Mnozy dopominachu so na to, zo bě město za čas NDR w filmach rady wužiwana kulisa. A tuž wobdźiwachmy tež my derje znatu a sławnu radnicu města. Po haskach stareho města dundajo smy sej wid na krasne tykowane domy a při muzeju „Křiwy dom“ w połnej pyše kćějacy kwětkowy časnik popřeli. Popołdnju widźachmy w busu sedźo turistisce zajimawu gmejnu Elend. Nas pak wabješe drjewjana cyrkwička blisko dwórnišća w Stiege. Tam zhonichmy tójšto ze stawiznow hojernje Albrechtshaus, z kotrejež bu cyrkej w lětach 2021 do 2022 do sydlišća Stiege přesadźena.
Nic jenož w adwenće rjane
Mnozy ludźo wopytuja rady adwentne wiki w Quedlinburgu, kotrež přeswědča z wosebitym konceptom. Měšćenjo wabja z adwentnje wuhotowanymi dworami zajimowanych wopytowarjow. Tola Quedlinburg je přez cyłe lěto krasne. Tuž dowjezechu nas šoferojo Radworskeho Šmitec wozydłownistwa do swětosławneho městačka z wulkej ličbu saněrowanych tykowanych domow. Z přestrjenju něhdźe 86 hektarow słuša Quedlinburg do najwjetšich płoninowych pomnikow po cyłej Němskej. Zdobom steji na čole europskich městow, štož tykowane domy nastupa. Na wjace hač 2 000 tajkich domskich je wuwiće architektury přez dobu wosom lětstotkow spóznać. Z tutej jónkrótnosću, kotraž bu ze załoženjom Quedlinburga za čas srjedźowěka kładźena, bu město w lěće 1994 do UNESCO-lisćiny škitanja hódneho swětoweho herbstwa přiwzate. Ducy na Hrodowe naměsto smy do galerije Lyonela Feiningera (1871–1956) załožili, kiž je wuznamny wuměłc klasiskeje moderny był. Wustajeńca je nam zakładny přehlad wuměłskeho tworjenja sławneho grafikarja a molerja posrědkowała.
Pokład, kotryž pyta runjeća
Dźeń do našeho nawróta do Łužicy wjedźeše naš puć do Halberstadta, do tamnišeho doma. Hłowna cyrkej swj. Sćěpana a swj. Sixtusa słuša k najrjeńšim gotiskim katedralam po cyłej Němskej. Halberstadt wobsedźi zwonka Vatikana, po cyłym swěće najwjetši pokład z časa srjedźowěka. Z 1 250 twórbow tam aktualnje 300 eksponatow prezentuja. Widźeć su mjez druhim najstarše tkane přestrjency Europy, tekstilije a twórby złotnikarjow, płasty ze złota a židy, wuměłske twórby rězbarjow kaž tež wutočenja ze słonowiny a hórskeho kristala. To běchu přemóžace zaćišće.
Zwisk do Łužicy
Dźeń nawróta bě přišoł. Byrnjež so miholiło, pozastachmy při zawěrje Rappbode a zwažichmy so na 483 metrow dołhi wisaty móst, kiž je po cyłej Němskej najdlěši swojeho raza. Móst waži 120 tonow, bu w běhu dźesać měsacow natwarjeny a wisa hač do sto metrow wysoko nad zemju. Pěšcy móža wot 7. meje lěta 2017 po nim hić, štož sej při wšěch wěstotnych naprawach tola trochu zmužitosće žada.
Krótko do Nordhausena smy na hodźinku we wsy Windehausen pozastali. Pomjenowanje wsy nima ničo z wětřikom na sebi. Chroniki pisaja sćěhowace: w lěće 1220 pisachu wjesne mjeno Windehausen, štož woznamjenja tak wjele kaž ‚die Häuser der Wenden‘.
W tamnišej ewangelskej cyrkwi, kotraž pochadźa po wšěm zdaću z časa wokoło lěta 1260, nadeńdźe zajimc wulku njewšědnosć. To je z lipoweho drjewa wurězbowana pieta „Pomaibog“ z 13. lětstotka. Tamniša fararka a někotři čłonojo wosadneje rady nas wutrobnje witachu. Bernd Willomitzer je nam wo stawiznach postawy powědał a wo nastaću kopije, kotraž w Choćebuskim Serbskim muzeju steji. Napjelnjeni z rjanymi zaćišćemi a nasrěbani dožiwjenjow smy so na pózdnim popołdnju do domizny nawróćili. (Monika Deleńkowa)
>> 11.05.2023 | Přinošk w Serbskich Nowinach:
Tagesmüttern, die in der Öffentlichkeit oft nur als zusätzliche Hilfe für Kitas gesehen werden, gebührt größere Aufmerksamkeit. Sie leisten pädagogische Arbeit und haben einen äußerst engen Kontakt zu Familien und ihren Zöglingen. Darauf verweist diese Woche eine gesamtdeutsche Aktion unter dem Motto „Gut betreut in der Kindertagespflege“, welche der Sorbische Schulverein unterstützt. Der SSV ist Träger der sorbischen Kindertagesgruppe in Dresden, in der die Erzieherin Sabine Cyžowa derzeit fünf Kinder betreut. Geschäftsführer des Vereins, Andreas Ošika, dankte am Donnerstag (11.05.2023) Frau Sandra Schmidke, welche die Tagesmutter derzeit vertritt.
Foto: Andreas Ošika
>> 10.05.2023 | Přinošk w Serbskej šuli 02-2023:
Olympiada serbskeje rěče
>> 08.05.2023 | W Serbskich Nowinach:
>> 04.05.2023 | Přinošk w Serbskich Nowinach:
>> 03.05.2023 | Kikanukl rěči nětk tež serbsce:
Serbsce synchronizowane filmy „KiKanukla“
Mały módry zaječk dźěćaceho kanala KiKa je chětro wobdarjeny. Nětko je KiKanukl ze serbšćinu swoju wosmu rěč nawuknył. Tutón tydźeń swjećeše "KiKanukl" premjeru w Budyšinje. (SN wo tym rozprawjachu: Kikanukl rěči nětk tež serbsce (serbske-nowiny.de) | hlej tež přinošk w Serbskim rozhłosu a w Nowym Casniku)
Hornjoserbski přełožk bu w zhromadnym dźěle z MDR Serbskim rozhłosom a Serbskim šulskim towarstwom w ramiku projekta „Lucija“ zwoprawdźeny.
Link k widejam: Sorbisch für Kinder mit Kikaninchen | Serbske filmy za dźěći z Kikaninchen | KiKANiNCHEN
>> 21.04.2023 | Přinošk w Serbskich Nowinach:
Allgemeine Deutsche Zeitung für Rumänien (vom 04.05.2023)
Deutsche Ausgabe der Sorbischen Zeitung (06-2023)
Plataforma per la Llengua (26.04.2023)
>> 19.04.2023 | Dźěłarnička za staršich a kubłarjow - PART 2:
přeprošujemy na našu wjacednjowsku jězbu přez
„Smoliny / Harz“ a wokolinu.
NAMÓC, STRACH A BJEZRADNOSĆ – a wosrjedź toho moje dźěćo a ja! Što nětko? (PART II)
Serbske šulske towarstwo poskići w Serbskim kubłanskim srjedźišću LIPA w Smjerdźacej dnja, 27.04.2023, wot 17.00 do 20.00 hodź. dalši poskitk z dalekubłanskeho rjadu. Dźěłarnička měri so předewšěm na staršich a kubłarjow w předšulskej a zakładnošulskej starobje. Rozrisać maja so prašenja kaž:
• Kak móžemy jako starši a kubłarjo zhromadnje konstruktiwnje z konfliktami a zwadu mjez dźěćimi wobchadźeć.
• Što je, hdyž dźěći namóc k rozrisanju konflikta wužiwaja?
• Što je w tajkich padach pomocliwe pedagogiske stejišćo a prawe zadźerženje dorosćenych?
Referentka budźe Ute Detemple, dipl. hojenska pedagogowka a na wobłuk trawma specializowana poradźowarka a pedagogowka. Přizjewjenja přijimujemy hač do 24.04.2023 přez mejlku na info@sorbischer-schulverein.de abo pod tel. čo: 03591 550216.
>> 18.04.2023 | Přinošk w Serbskich Nowinach:
>> 07.03.2023 | Dźěłarnička za staršich a kubłarjow dźěći zakładneje šule:
přeprošujemy na našu wjacednjowsku jězbu přez
„Smoliny / Harz“ a wokolinu.
NAMÓC, STRACH A BJEZRADNOSĆ – a wosrjedź toho moje dźěćo a ja! Što nětko?
Serbske šulske towarstwo poskići w Serbskim kubłanskim srjedźišću LIPA w Smjerdźacej dnja, 22.03.2023, wot 17.00 do 20.00 hodź. dźěłarničku za staršich a kubłarjow dźěći zakładneje šule. Rozrisać maja so prašenja kaž:
• Što su konstruktiwne puće, hdyž su dźěći mjezsobu w zwadźe abo w konflikće?
• Što, hdyž dźěći konflikty z namocu rozrisać spytaja?
• Što su w tajkim padźe wušikne metody za dorosćenych a pedagogow?
Referentka budźe Ute Detemple, dipl. hojenska pedagogowka a na wobłuk trawma specializowana poradźowarka a pedagogowka. Přizjewjenja přijimujemy hač do 17.03.2023 pod fachberatung@sorbischer-schulverein.de abo přez tel.: 01520 / 878 93 69.
GEWALT, ANGST UND RATLOSIGKEIT – und mittendrin mein Kind und ich! Was nun?
– Workshop für Eltern und Erzieher von Kindern im Grundschulalter –
22.03.2023, 17.00 do 20.00 Uhr
Wie können wir als Eltern und Erzieher gemeinsam konstruktiv mit Konflikten und Streit unter Kindern umgehen. Was ist, wenn Kinder Gewalt zur Konfliktlösung nutzen? Was ist in solchen Fällen eine hilfreiche pädagogische Haltung und richtiges Verhalten der Erwachsenen?
Referentin ist Ute Detemple, Dipl. Heilpädagogin, Traumafachberaterin und Traumapädagogin. Anmeldungen sind bis zum 17.03.2023 unter der E-Mail: fachberatung@sorbischer-schulverein.de oder der Tel.: 01520 / 878 93 69 möglich.
>> 02.03.2023 | ze zarjada SŠT
Wupisanje dźěłoweho městna
Serbske šulske towarstwo z.t. wobsadźi k přichodnemu móžnemu terminej městno
zamołwiteje knihiwjednicy / zamołwiteho knihiwjednika
wobjim dźěła wučini 35 hodź. wob tydźeń
Wočakowanja:
- wukubłanje a wjacelětne nazhonjenja na polu knihiwjednistwa a managementa zarjadnistwa
- jara dobre wobknježenje zličbowanja a controllinga
- znajomosće dźěłoweho, wikowanskeho, dawkoweho, personalneho a hospodarskeho prawa a organizacije předewzaća
- jara dobre wobknježenje hornjoserbskeje a němskeje rěče w ertnej a pisomnej formje
- wobknježenje komputerowych programow, internetnych posłužbow a logistiki
- samostatna dźěławosć, korektnosć, fleksibelnosć w zasadźenju, spušćomna poćežomnosć
....
>> 01.03.2023 | SŠT přewozmje nošerstwo
Wjeselo w Drježdźanach
Dnja 1. měrca přewozmje Serbske šulske towarstwo z.t. nošerstwo serbskeje dźěćaceje dnjoweje skupiny w sakskej krajnej stolicy – w Drježdźanach. Nětko móža starši, kotřiž dadźa swoje dźěći w skupinje kubłać, swoju dźowku abo syna dale do dnjoweje skupiny słać.
Kubłanišćo a zetkanišćo towarstwa wostanjetej na dotalnym městnje w Drježdźanskim Nowym měsće. Tuchwilu maja tam pjeć dźěći w starobje hač do třoch lět. Přistajena kubłarka, Sabina Cyžowa, posrědkuje jim serbsku rěč na maćernorěčnym niwowje. Skupina je w bydlenju zaměstnjena, hdźež maja rjanu zahrodku. Młode serbske swójby maja móžnosć, jich dźěći wot poroda sem serbskorěčnje kubłać. Wothłós na dnjowu mać a jeje wjacelětne skutkowanje je přewšo pozitiwny a wotewrjeny.
Ze swojim angažementom w Drježdźanach na dobro serbskich a serbšćinu wuknjacych dźěći zaruči towarstwo, zhromadnje z Drježdźanskim towarstwom »Stup dale« zwonka Łužicy wosebje hódny serbskorěčny rum.
hlej tež SN z 03.03.2023 | přinošk SN jako pdf
>> 27.02.2023 | Beitrag in der Zeitschrift Betrifft KINDER 01-02/2023:
Mittendrin besonders
Vom Leben und Lernen in der sorbischen Minderheit
In Deutschland geboren und doch mit einer anderen Kultur und einer weiteren Sprache verbunden sind die Angehörigen der sorbischen Minderheit. An den Beitrag »Mittendrin besonders. Leben und Lernen in der dänischen Minderheit« in Betrifft KINDER 09-10/2022 anschließend, sprach unsere Redakteurin Jutta Gruber mit Barbara Krahl und Romy Schmidtke. Barbara Krahl ist Leiterin und Erzieherin in der Witaj-Kindertagesstätte »Kwódnemu mužej« (Zum Wassermann) in Trägerschaft des Sorbischen Schulvereins e.V. im nördlich von Bautzen gelegenen Malschwitz. Romy Schmidtkes Töchter lernten dort mehr als Sorbisch.
Diesen Beitrag können Sie vollständig neben weiteren interessanten Beiträgen in der Ausgabe Betrifft KINDER 01-02/2023 lesen.
>> 24.02.2023 | Wo prózdninskim poskitku w LIPJE:
přeprošujemy na našu wjacednjowsku jězbu přez
„Smoliny / Harz“ a wokolinu.
Přinošk w Serbskich Nowinach:
Přinošk wo prózdninskim poskitku w Serbskim rozhłosu:
https://www.mdr.de/serbski-program/rozhlos/aktualne-prinoski/audio-2265924.html
>> 22.02.2023 | Nowe kursy w LIPJE:
přeprošujemy na našu wjacednjowsku jězbu přez
„Smoliny / Harz“ a wokolinu.
YOGA ZA KÓŽDEHO
Serbske šulske towarstwo poskići w Serbskim kubłanskim srjedźišću LIPA w Smjerdźacej YOGA ZA KÓŽDEHO.
Chceš swojemu ćěłu něšto dobreho činić? Trjebaš wjetšu koncentraciju? Pytaš za nutřkownym měrom a wotpinanjom? Chceš swoju muskulaturu zesylnić a swoju hibićiwosć polěpšić? Z yogu to wšo docpěješ! Poskićamy Ći kurs w bliskosći.
POWER-YOGA
na trenowanje wobtoka a zesylnjenje musklow, wusměrjeny kurs za sportowsce ambicioněrowanych
(für ambitionierte Teilnehmer mit sportlichem Interesse)
HATHA-YOGA
trenowanje balansy ćěła a ducha, za wotputanje
(Kurs für Balance zwischen Körper und Geist)
POSKITK ZA SENIOROW
trening zhibadłow a hibićiwosće, jako zwučowanski, srědk słuži stólc
(Stuhlyoga, gelenkschonendes Angebot für Senioren)
YOGA PO PORODŹE
wotputanje, gymnastika a motiwacija za młode maćerje (přinjesće rady swojeho ćěšenka wot 12. tydźenja sobu)
(Rückbildungsyoga, Babys ab der 12. Woche können mitgenießen.)
Kursy wotměja so kóždy pjatk dopołdnja. Zahajimy je 17. měrca 2023. Prošu přizjew so hač do 08.03.2023. Potom zestajamy skupiny a Ći termin za kurs zdźělimy. (Anmeldungen bitte bis zum 08.03.2023, Beginn 17.03.2023 – immer Freitagvormittag)
Kontakt: lipa@sorbischer-schulverein.de oder Tel.: 0172 / 78 119 59
flyer jako pdf abo hlej tež: www.lipa-ev.de
PRĚNJA POMOC DŹĚSĆU
Njezboža stawaja so njejapcy. Tuž je derje, hdyž wěš, kak w tajkim padźe prawje a z měrom jednaš. Dopominaće pak so hišće na wšitko, štož sće něhdy w kursu prěnjeje pomocy nawuknyli?
Za pad, zo njezbožo dźěćo potrjechi, poskići Serbske šulske towarstwo w Serbskim kubłanskim srjedźišću LIPA w Smjerdźacej dwuhodźinske serbske zarjadowanje: PRĚNJA POMOC DŹĚSĆU.
Přeprošeni su wšitcy, kotřiž dźěći zastaruju, je woža, kubłuja, sej z nimi hrajkaja: starši, dźědojo a wowki, wujojo a ćety, dnjowe maćerje a dnjowi nanojo, kubłarki a kubłarjo –...
Pokazamy Wam najtrěbniše naprawy prěnjeje pomocy, hdyž dźěćo njejapcy schorje abo jeli znjezboži. A móžeće so wšitko prašeć, štož chceće w zwisku z tematiku wědźeć.
Přizjewće so nětko!
terminaj: 20.03.2023, 9 – 11 hodź. abo 23.03.2023, 19 – 21 hodź.
městnosć: Kulturny dom w Smjerdźacej abo rumnosće kubłanskeho srjedźišća LIPA z. t.(wotwisuje wot ličby wobdźělnikow)
popłatk: 10,- €
Přizjewjenja přijimuja so hač do 15.03.2023 pod:
lipa@sorbischer-schulverein.de abo tel.: 0172 / 78 119 59
flyer jako pdf abo hlej tež: www.lipa-ev.de
>> 15.02.2023 | Přinošk wo SŠT w Serbskich Nowinach:
Foto: SŠT
>> 14.02.2023 | Přinošk w Serbskim rozhłosu:
přeprošujemy na našu wjacednjowsku jězbu přez
„Smoliny / Harz“ a wokolinu.
Medijowy projekt "Lucija" so předstaji 
Serbske šulske towarstwo ma nowy medijo-pedagogiski poskitk. “Lucija” wón rěka. Za tym chowaja so dalekubłanja w nowych medijach, a při tym steji serbska rěč w srjedźišću. Lydija Maćijowa je na wopyće pobyła: link k přinoškej
>> 07.02.2023 | Přinošk wo SŠT:
přeprošujemy na našu wjacednjowsku jězbu přez
„Smoliny / Harz“ a wokolinu.
Zastupjerjo SŠT z hosćom kruha „Serbja“ sakskeje SPD
Sakski krajny dźěłowy kruh „Serbja“ w SPD je so minjeny pjatk z předsydstwom Serbskeho šulskeho towarstwa (SŠT) w Kamjencu zetkał. Mjez druhim bě předsydka SŠT Katharina Jurkowa witana rozmołwna partnerka. Ćežišća zhromadneho wuradźowanja běchu mjez druhim znowawobsadźenje wakantnych nawodnych funkcijow na serbskich šulach. Dale zaběrachu so přitomni z ćežemi přiwótřaceje so wučerskeje problematiki wosebje serbsce rěčacych fachowych wučerjow. Tež zachowanje a wutwar motiwacije za wuknjacych, zo bychu serbske šule wopytali respektiwnje serbsku rěč nawuknyli, bě tema zeńdźenja. Nimo toho rozjimachu čłonojo krajneho dźěłoweho kruha ze zastupjerjemi SŠT wužadanja při skutkowanju na naposledk k wšitkim temam rozsudy tworjacych statnych instancow.
W slědowacych internych wólbach dźěłoweho kruha bu Měrćin Krawc jako rěčnik wobkrućeny. Jako noweho zastupowaceho rěčnika wuzwolichu přitomni Jurja Bulanka.
Benedikt Dyrlich hižo njekandidowaše a přeješe nowymaj rěčnikomaj wjele wuspěcha do přichodneho dźěła. Dźěłowy kruh dźakowaše so jemu jako něhdyšemu rěčnikej a korěčnikej za wulki angažement při natwarje a etablěrowanju wot měrca 2017 wobstejaceho cyłka SPD „Serbja“ jako připóznaty a so skutkownje za zajimy serbskeho ludu zasadźowacy gremij.
cyły přinošk w SN z 07.02.2023
>> 06.02.2023 | Přinošk w Serbskej šuli 1-2023:
přeprošujemy na našu wjacednjowsku jězbu přez
„Smoliny / Harz“ a wokolinu.
Klanka Lingufino
Milenka Rječcyna, koordinatorka medijoweje pedagogiki SŠT, pisa wo pleńčatku Lingufino w serbskim pedagogiskim časopisu Serbska šula.
>> 31.01.2023 | Powěsć Serbskeho rozhłosa:
přeprošujemy na našu wjacednjowsku jězbu přez
„Smoliny / Harz“ a wokolinu.
Wo nałožowanju dospołneje imersije w praktiskim dźěle pěstowarnje
Smjerdźaca:
W kubłanskim srjedźišću LIPA w Smjerdźacej su so póndźelu 20 kubłarjow a kubłarkow z imersiju w jich praktiskim dźěle zaběrali. Rěčespytnica dr. Jana Šołćina pokaza na njedostatki a mjezy při hladanju a kubłanju maćernorěčnych a serbsce wuknjacych dźěći. Wona skedźbni na to, zo su kubłarjo při nawožowanju maćeršćiny dźěćom z přikładom. Zhromadne zarjadowanje Serbskeho šulskeho towarstwa a LIPY ma so wot nětka prawidłownje dale wjesć. Při imersiji so tež dwurěčne dźěći wot wšeho započatka jenož serbsce kubłaja. (Foto: SŠT)
>> 30.01.2023 | Prózdninski poskitk w LIPJE:
přeprošujemy na našu wjacednjowsku jězbu přez
„Smoliny / Harz“ a wokolinu.
Prózdninski medijowy camp w Smjerdźacej
Za dźěći w starobje 7 – 10 lět poskići Serbske šulske towarstwo prózdninske dny wot 20. – 23.02.2023 w Serbskim kubłanskim srjedźišću LIPA w Smjerdźacej a to wšědnje mjez 9:00 – 15:00 hodź. Na šulerjow čakaja mnohostronske medijowe poskitki. Móža trikowy film wjerćeć, so na learningapps zabawjeć a swójske wuknjenske hry wuwić abo pytać a namakać zhromadnje z druhimi wobdźělnikami w Lipje schowany pokład z pomocu geocachinga. Dale su přihotowane najwšelakoriše hry, paslenske poskitki, zaběra ze skludnym psom a wězo aktiwity na čerstwym powětře. Tež swójske ideje su prašane a witane. Přizjewjenja přijimuja so hač do 10. februara 2023 pod lipa@sorbischer-schulverein.de abo pod tel.: 0172 / 78 119 59. Poskitk płaći na šulerja 50,- € (inkl. zastaranje).
>> 30.01.2023 | Powěsć Serbskeho rozhłosa:
přeprošujemy na našu wjacednjowsku jězbu přez
„Smoliny / Harz“ a wokolinu.
Ptači kwas swjećili
Malešecy:
Dźěći WITAJ-pěstowarnje Malešecy ćahnychu wčera popołdnju jako ewangelski serbski kwasny ćah po wsy a zawjeselichu po tym publikum w hosćencu "K wódnemu mužej". Žurla bě ze swójbnymi kopata połna, dalši zajimcy, kaž Domowinska skupina, su sej program w hóstnej stwi přez live-stream wobhladali. (Foto: SŠT)
>> 25.01.2023 | Ptači kwas 2023:
přeprošujemy na našu wjacednjowsku jězbu přez
„Smoliny / Harz“ a wokolinu.
Na wopyće pola ministerskeho prezidenta Michaela Kretschmera
Holcy a hólcy Malešanskeje Witaj-pěstowarnje „K wódnemu mužej“ běchu přeprošenju ministerskeho prezidenta Michaela Kretschmera (CDU) do Sakskeje statneje kenclije w Drježdźanach sćěhowali. Pod nawodom wjednicy pěstowarnje Borbory Kraloweje su program ptačeho kwasa w ewangelskej swjedźenskej drasće předstajili. Předsyda Domowiny Dawid Statnik a předsydka Serbskeho šulskeho towarstwa Katharina Jurkowa jich přewodźeštaj. (Foto: SŠT)
Zu Besuch beim Ministerpräsidenten Michael Kretschmer
Die Mädchen und Jungen der Malschwitzer Witaj-Kindertagesstätte „Zum Wassermann“ waren der Einladung des Ministerpräsidenten Michael Kretschmer (CDU) in die Sächsische Staatskanzlei in Dresden gefolgt. Unter der Leitung der Kitaleiterin Barbara Krahl wurde das traditionelle Vogelhochzeitsprogramm in der evangelischen Festtracht vorgestellt. Sie wurden begleitet vom Domowina-Vorsitzenden Dawid Statnik und der Vorsitzenden des Sorbischen Schulvereins Katharina Jurk. (Foto: SSV)
>> 25.01.2023 | Powěsć Serbskeho rozhłosa:
přeprošujemy na našu wjacednjowsku jězbu přez
„Smoliny / Harz“ a wokolinu.
Ptači kwas
Hornja Łužica/Drježdźany:
Po starej tradiciji swjeća srjedu w swójbach, pěstowarnjach a šulach dwurěčneje Hornjeje Łužicy ptači kwas. Tójšto pěstowarnjow přeprošuje na ptačokwasne programy dźěći. Holcy a hólcy Malešanskeje Witaj-pěstowarnje „K wódnemu mužej“ su srjedu dopołdnja do Sakskeje statneje kenclije w Drježdźanach přeprošene a předstaja tam ministerskemu prezidentej Michaelej Kretschmerej a dalšim swój ptačokwasny program.
>> 23.01.2023 | Ptače kwasy 2023 – přehlad terminow
přeprošujemy na našu wjacednjowsku jězbu přez
„Smoliny / Harz“ a wokolinu.
Ptači kwas w našich kubłanišćach:
Wotrow
25.01.2023, w 10 hodź., w „Starej šuli“ we Wotrowje
Ralbicy
25.01.2023, wot 15 hodź., w „Fabrikskej hospodźe“ w Šunowje
Chrósćicy
25.01.2023, w 16 hodź., w „Jednoće“ w Chrósćicach
Malšecy
29.01.2023, w 15 hodź. w hosćencu „Wódny muž“ w Malešecach
25.01.2023 wopyt pola ministerskeho prezidenta Michaela Kretschmera w Drježdźanach
Němcy
05.02.2023, w 15 hodź. w „La Galeria“ w Němcach (pódla blidarnje Graf)
>> 22.01.2023 | Njedźelniše wusyłanje (mdr Sakska – Serbski rozhłós):
Koncept 2plus – kajki je woprawdźity staw?
Wučba po koncepće 2plus słuša na mnohich šulach w Hornjej Łužicy ke krutemu wobstatkej kubłanja, znajmjeńša měło to tak być. Tola kajki je aktualny staw zwoprawdźenja koncepta?
>> 17.01.2023 | Přinošk wo SŠT w Serbskich Nowinach:
přeprošujemy na našu wjacednjowsku jězbu přez
„Smoliny / Harz“ a wokolinu.
Zeit für Dialog und Entscheidung (Beitrag in deutscher Sprache)
>> 16.01.2023 | Kubłanska wuprawa Serbskeho šulskeho towarstwa z.t.:
přeprošujemy na našu wjacednjowsku jězbu přez
„Smoliny / Harz“ a wokolinu.
Wjacednjowska jězba za seniorow wot 07.05. do 11.05.2023
Přeprošujemy wutrobnje na našu wjacednjowsku jězbu přez „Smoliny / Harz“ a wokolinu. Nadźijamy so, zo smy za Was zajimawy program přihotowali. Wjace wo tym zhoniće tu. Prosymy zajimcow, so hač do 28.02.2023 pola knjeni Deleńkoweje přizjewić. (tel.-čo. 03591 550 209 abo e-mail: m.delenk@sorbischer-schulverein.de
>> 13.01.2023 | Přinošk wo SŠT w Serbskich Nowinach:
přeprošujemy na našu wjacednjowsku jězbu přez
„Smoliny / Harz“ a wokolinu.
Verbund sorbischer Schulen? (Beitrag in deutscher Sprache)
>> 12.01.2023 | přeprošenje:
Nałožowanje dospołneje imersije w praktiskim dźěle pěstowarnje – dźěłarnička z dr. Janu Šołćinej
Lubi zajimcy,
loni nazymu smy zhromadnje fachowu konferencu "Dyrbimy rěčeć!" w Smochćicach dožiwili. Dr. Jana Šołćina přednošowaše wo nałožowanju serbšćinje w pěstowarni, wo swojich wědomostnych dopóznaćach a wo tym, što imersija je a što njeje.
Póndźelu, dnja 30.01., chcemy wot 17.00 – 19.00 hodź. w Smjerdźečan Lipje na přednošk a diskusijne koła nawjazować.
Přizjewjenja přijimujemy hač do 27.01.23 z mejlku pod info@sorbischer-schulverein.de abo telefonisce pod 03591 550 216
Zhromadnje z dr. Janu Šołćinej so na Was a dobru wuměnu wjeselimy!
za dalše informacije hlej tu
>> 10.01.2023 | Płomjo - LUCIJA so předstaji:
(Rewo)„Lucija“: Nowe lěto – nowe struktury
Medijo-pedagogiski projekt SŠT so w Płomju čo. 1/2023 předstaji:
>> 20.12.2022 | LIPA - dalše poskitki:
Nowe kursy
Serbske šulske towarstwo poskići w Kubłanskim srjedźišću LIPA w Smjerdźacej zaso dalše kursy: www.lipa-ev.de
