městno:                                nawjedowanje źiśownje (m/ž/d) źěłowy cas: 35 góźin wob tyźeń pó casu njewobgranicowane myto: pó tarifje TVÖD SUE źěłowe městno                                            „Villa Kunterbunt“ w Chóśebuzu                  zachopjeńk: tak malsnje ako móžno How daleij

městno: wótkubłaŕka/wótkubłaŕ (m/ž/d) Umfang: 30+ góźin wob tyźeń pó casu njewobgranicowane myto: pó tarifje TVÖD SUE źěłowe městno                                               „Villa Kunterbunt“/"Mato Rizo                         zachopjeńk: tak malsnje ako móžno How daleij

Witajśo k nam! 

Serbske šulske towaristwo co Wam atraktiwne źěłowe městno póbitowaś. How nawjedujośo z dobrymi fachowymi a empatiskimi zamóžnosćami dobry team we Witaj - źiśowni „Villa Kunterbunt“.

Wy formulěrujośo jasne cile a stajijośo Wašo wótglědanje kreatiwnje do statka.

Naše angažěrowane sobuźěłaśerje pśewóźuju źiśi ceły źeń w serbskej rěcy a tak se pśiswóje źiśi tu rěc. Teke glědaju wótkubłarje a wótkubłaŕki na wuwiśe źiśi ako indiwidualnu wósobinu. Serbska kultura a pedagogiske statkowanje se zwězujotej. Buźćo teke  sobuźěłaśeŕka abo sobuźěłaśeŕ našogo teama. My Was witamy.

                                         Wupisanje městno za                                                    nawjedowanje źiśownje  a  teke za wótkubłaŕku a wótkubłaŕja

how kliknuś za němsku wersiju 

 

Wupisanje městno za:

 

WÓTKUBŁAŔKU abo WÓTKUBŁARJA

My tebje pytamy, gaž maš … kwalifikaciju ako statnje pśipóznaty wótkubłaŕ (m/ž/d) abo pśirownujobnu kwalifikaciju na póli pedagogiki, pedagogisku zacuwatosć a wjasele pśi źěle ze źiśimi, serbskorěcne znaśa, zajm za serbsku kulturu a jeje wopśimjeśa, zajm za pedagogiske dalejkubłanja.

To móžomy póbitowaś … naměstne njewobgranicowane pśistajenje w njepołnem abo połnem źěłowem casu, z probowym casom wót 6 mjasecow, w kótaremž se móžoš pla nas zažywjowaś, płaśimy myto pó socialnowótkubłańskej słužbje (TVÖD), pśewzejomy kosty za rěcne a pedagogiske dalejkubłanja, organizěrujomy team-dokubłanja, pśez fachowu póraźowarku pórucujomy pódpěru direktnje w praksy.

Twóje nadawki su … Źěłaš gromaźe w teamje pó koncepciji kubłanišća. Planujoš a pśewjeźoš swójo pedagogiske źěło ze zagronitosću a pśinjasoš kreatiwne ideje. Jadnaš ze sebjezagronitosću a reflektěrujoš. Wobstaraš źiśi w serbskej rěcy a integrěrujoš se do tamnego teama. Twója słužba móžo se w ramiku wótwórjeńskich casow (maks. wót 6.00 do 17.00) indiwiduelnje pśiměriś. Zasajźenje we wobyma źiśownjoma se pó pótrjebje rědujo.

Kuždy źeń nałožujomy serbsku rěc a źiśi se pśiswóje ju pasiwnje a aktiwnje. Z lubosću a rozměśim pśewóźujomy                                wósobinske wuwiśe góleśa. Buźćo źěl našogo inowatiwnego,                                      dynamiskego a nazgónitego teama!

Procowanje pósćelśo na: Serbske šulske towaristwo z.t. k.ru. kněz Andreas Ošika Póstowe město 2 02625 Budyšyn lubjej ako e-mailku na: a.oschika@sorbischer-schulverein.de Gaž su hyšći pšašanja móžośo se wobrośiś na koordinatorku Marlis Müller, Tel. 03591/550-216, E-Mail: info@sorbischer-schulverein.de

Wjaselimy se na zeznaśe z Wami!

 

Wupisanje městno za: NAWJEDOWANJE ŹIŚOWNJE

 

My wam póbitujomy ...   dwójorěcne źěłowe městno, źož serbska rěc, kultura a nałogi se woplěwaju. Wob lěto graju swěźenje serbskeje kultury wósebnu rolu. Fachowa póraźowaŕka Was pódpěrujo a ju móžośo pśecej konsultěrowaś. Wóna stoj z radu na boce. centralne nawjedowanje źiśownje. atraktiwnje móžnosći za rěcne a pedagogiske dalejkubłanje z późělnym pśewześim kostow. pšawidłowne personalne rozgrona. zgromadne źěło w teamje wjednicow nosarja, teke za pedagogiske a fachowe wuměnjenje a mjazsobnu pódpěru. wobźělenje na rozgronach w źěłowych kupkach a fachowych zejźenjach. pśijazny a wótwórjony źěłowy klima. wobšyrne zaźěłanje.

Waše nadawki ...  wjednistwo z glědanim na kazniske wuměnjenja, pedagogiske standardy a filozofiju nosarja   wjeźenje planowych a wuwiśowych faktow personala a pśewjeźenje rozgronow ze sobuźěłaśeŕkami wuwijanje koncepcije, teke glědajucy na serbsku rěc a kulturu planowanje a praktiske zwopšawdnjenje pedagogiskich standardow, inkluziwnje spěchowanja serbskeje rěcy zjawnostne źěło (informacije na starjejše dalej daś, wabjenje za źiśownju a prezentacija źěła sobuźěłaśerjow a pśedstajenje pedagogiskego wopśimjeśa zajmowanym starjejšym, póraźowańske rozgrona ze starjejšymi a wuměnjenje w kita-wuběrku a w starjejšynej pśiraźe zastojnstwowe źěło (na pś. organizěrowanje słužbnego plana, wupołnjenje źěłowych kórtkow sobuźěłaśerjow, planowanje za nowe pśizjawjenja) zgromadne źěło ze sobuźěłaśerjami w głownej filiali w Budyšynje, z młoźinskim amtom, ze šulami a póraźowaŕnjami za prědne wuwiśowe spěchowanje, ze strowotniskim amtom a serbskimi institucijami

Wy pśinjasośo sobu ... kwalifikaciju ako statnje pśipóznaty wótkubłaŕ (m/ž/d) abo pśirownujobnu kwalifikaciju na póli pedagogiki, serbskorěcne znaśa abo wusoku motiwaciju ju nawuknuś pódla źěła, 3-lětne nazgónjenja w źiśowni a wjelgin dobre fachowe pedagogiske zamóžnosći w kubłanju góleśa w prědnych lětach zamóžnosć za nawjedowanje teama a personalne wuwiśe empatiske a komunikatiwne zamóžnosći a wobchadanje z konfliktowymi temami wědobnu zagronitosć a zamóžnosć pśesajźenja dobre znajobnosći kazniskich póstajenjow (KitaG a KitaBKNV) dobre znajobnosći w MS-Office (Excel, Word, Outlook) motiwaciju se stawnje dalej kubłaś na pedagogiskem a rěcnem pólu interkulturelne kompetence, wósebnje na póli serbskego žywjenja su pśigódne nazgónjenja we woplěwanju serbskich tradicijow a nałogow su žycone nazgónjenje abo pśidatne kwalifikacije na póli rěcneje imersije su pśigódne

Wy cośo z dobrymi fachowymi a empatiskimi zamóžnosćami team wótkubłaŕkow nawjedowaś a pśewóźowaś? Wy móžośo jasnje wuformulěrowaś cile a stajijośo Wašo wótglědanje kooperatiwnje do statka?

Buźćo źěl našogo inowatiwnego, 
dynamiskego a nazgónitego teama!

Pón se wjaselimy na Waše dopołne
a wobšyrne procowanje wó to městno.

Pšosym dajśo nam teke k wěsći, 
ga Wy móžośo w nejblišem casu zachopiś.

Serbske šulske towaristwo z.t. k.ru. kněz Andreas Ošika Póstowe město 2 02625 Budyšyn lubjej ako e-mailku na: a.oschika@sorbischer-schulverein.de Gaž su hyšći pšašanja móžośo se wobrośiś na koordinatorku Marlis Müller, Tel. 03591/550-216, E-Mail: info@sorbischer-schulverein.de       Wjaselimy se na zeznaśe z Wami!