Impresije z našeje pěstowarnje
Zawrjenske časy 2024
Ptači kwas 2024
Wjesoła kwasna bobrija Witaj-pěstowarnje „Pumpot“ z Němcow swjećeše njedźelu, 28.01.2024, w rumnosći „La Galeria“ lětuši ptači kwas. Braška Leopold witaše staršich, dźědow a wowkow wutrobnje. Nawoženja Anton a jeho njewěsta Margareta zarejowaštaj prěnju rejku. Z wulkim přikleskom dźakowachu so přitomni dźěćom a kubłarkam za wuběrny dwurěčny program.
>> 25.09.2023 | Witaj-pěstowarnja „Pumpot“ w Němcach
Krabatowy swjedźeń we Wojerecach
Přeprošujemy wšitkich cyle wutrobnje na Krabatowy swjedźeń do Wojerec. Pjatk, 29.09.23 wot 14:30 hodź. naše dźěći w serbskej drasće program wobohaćeja. Wjeselimy so na waš wopyt.
>> 11.08.2023 | W Serbskich Nowinach:
(Přinošk jako pdf)
>> 23.06.2023 | W Serbskich Nowinach:
>> 16.06.2023 | W Serbskich Nowinach:
Olympiada pěstowarnjow – A my běchmy pódla!
W Kulowje wojowaše štwórtk, 02.03.2023 jědnaće pěstowarskich mustwow wo požadany pokal wokrjesneho sportoweho zwjazka Budyšin.Tež naša pěstowarnja „Pumpot“ Němcy, w nošerstwje Serbskeho šulskeho towarstwa z.t. Budyšin, wobdźěli so na wubědźowanju. Na dwanaće stacijach móžachu pjeć- do šěsćlětni swoje kmanosće dopokazać. Z wjele česćelakomnosću a wjeselom naše dźěći pokazachu, što su w pěstowarni wšitko nawuknyli.K wjeselu wšitkich móžachu naše dźěći mjez jědnaće mustwami 3. městno zdobyć. Hordźe přez tutón wuspěch njesechu swoje wopismo a medalju domoj. (foto: K. Krawcowa)
Póstnicy swječili
foće: pěstowarnja Němcy
Spěwali a rejwali
Njedawno zawjeseli 32 dźěći Němčanskeje Witaj-pěstowarnje “Pumpot” wjace hač 70 staršich, dźědow a wowkow ze spodobnym ptačokwasnym programom. Po dołhej koronowej přestawce móžachu holcy a hólcy zaso w serbskej drasće swoje nawuknjene spěwy, basnje a reje předstajić. Pod howrjacym přikleskom so dźěći rozžohnowachu a wužiwachu při kofeju a tykancu zhromadne popołdnjo ze swojimi swójbnymi. (foto: pěstowarnja Němcy)
