Serbske pěstowarnje

W serbsko-katolskej jadrowej kónčinje w Sakskej rěči so serbšćina jako maćeršćina. Ličba rěčnje měšanych serbsko-němskich mandźelstwow přiběra. To wuskutkuje so wězo na rěčnu konstelaciju dźěći w serbskich pěstowarnjach.

Tohodla so tež w třoch serbskich pěstowarnjach dospołna imersija nałožuje:

• w Ralbicach,
• w Chrósćicach a
• we Wotrowje.

Přidatnje so na próstwu serbskich staršich w konwersaciji němska rěč přez parcielnu imersiju po principje: jedna wosoba – jedna rěč nałožuje (jednu hodźinu wob tydźeń).